Mi kompran pi, mi kompran pa…

28 désanm 2023, sanm Justin

Akoz letsi lé sèr kom sa oté ? Zamé nou la vi in fin dané ek letsi i désann pa moinke 3 euros.

Promié foi mi pense mi sa pass in zourdlan san in kilo letsi dessi la tab. Mi rappel, na dé, troi zan dsa lavé ossi in gran mank, navé preske poin lo frui rouge ke ni ème tan. Apré navé poin non pli lo miel letsi é bann vendèr miel vert té enuyé. Sa résofman klimatik mêm sa ? Ben si sé lo ka, y fo ni prépare à nou pou sanze nout bann labitide, nout bann tradition. I fodra nou lé for pou rézisté é pou inventé dot solission lokal.

Déza la piblissité i pouss à nou manze produi déhors. Konte pa in fin dané la ! Partou ni wa « foi gras Laberie », « Gigot d’agneau de Hollande »,… tou sa lé afisé en gran piblisité partou dann la Rénion. Conte pa dessi bann gro kapitalis komersan pou mèt nout produi en lèr. En kontrèr ou na l’impression La Frans ek Lérope y profite pou déverse dessi zot koloni toute zot produi ke y vann pi làba. En mêm tan mi wa ossi dann zoinal télévisé na bonpé kréol i propoze zot repa 100 % lokal. Sa in fierté, é mi pense y fo valoriz tou sa kréol y fé zéfor pou nou konsom sat nou produi. Dinsertin manière zot i évite à nou ète berné par « la goyave de France ».

Niartrouv.

Justin

PadportImpasse du modèle

Signaler un contenu

Inn modékri, inn ti lavi, inn komantèr ?