Nana de moun konmsa é pliské zot i kroi. Pa tèlman kan zot lé marmay mé kan zot la grandi zsiaka k’étan gramoun. Zot i koné i égzis in bann « mésyé zé sé tou » sansa « madam zé sé tou ». Arzout ankor èk sa zot i pran konm égzanp bann z’ansien é ni koné an parmi banna l’avé d’moun tout kalité dopi sak lé intélizan ziska sak lé boushé vèy pa koman. La vi, tazantan, i anvoy anou konm in signal pou dir anou sak ni pans lé pa touzour la vérité, mé lé pa rar ni suiv pa konsèy la vi. Firamézir mi ékri, firamézir mi pans tèl moun, tèl moun, mi obli pans amoin. Rod ousa i lé lo l’érèr !

Kosa zot anpans zot ? Arien ditou ? Fé travay z’ot koko, fé bouy z’ot matyèr griz, zot va oir ké, rant-rant, ni pé z’ète tazantan, dakor rantre nou.