Mon l’akt de foi
3 févrié 2022, sanm
Mé z’ami, si mi di azot, dsi la késtyonn kréol rényoné, an toutan, mwin la garde konfyans, mwin la touzour garde konfyanss. Pé s’fèr zot va réponde amwin mwin té i rogard pa la vérité an fass konm k’i fo. Mi rofiz oir lo vré pars mi kontante amwin avèk mon rèv, mon zilizyon.
Pou kossa mi di sa ? Pars néna kékzour mwin la trouv in dalon, é dalon la, la di amwin konmsa : sanm pou li kréol rényoné l’apré disparète. Kan mwin la marke mon sirprize, li la di amwin, i fo mi atéri in pé, é ké mi arète marsh tète anlèr, pars a tro marsh la tète an l’èr mwin lé riskab pa oir la vérité zamé...
Mwin lété ankor pli étoné é pou sa mwin la domande ali kossa i lé son vérité dann sète afèr d’lang : li la réponde amwin la vérité sé ké la lang franssèz l’apré manje kréol rényoné, l’apré étinde son rass, l’apré vire son po zak.
.
Mézami mwin néna bien lo linpréssion sé li k’lé dann fo é mwin dann vré. Pou koué ? Pars pou mor i fo ou lé malade é mi panss pa noute lang kréol lé malade mé an kontrère èl lé bien vivan. Par kossa li lé bien vivan ?
Par la kantité d’moune mi antan koze kréol dann shomin. Par la mizik kréol, mi antande partou. Par lo bande zé d’mo mi antande dovan shak boutik é ké mi panss sé lo prinssipal landroi noute kréol rényoné, i viv, i évolyé, i ronouvèl. Par son vitalité dann la popilassion rényonèze.
Sa in lang malade ?. Pa ditou, an kontrère, in lang bien vivan.
Justin
NB – « J’ai vécu au sein du monstre et je connais ses entrailles mais ma fronde est celle de David » – une citation de José Marti dans une lettre écrite à un ami la veille de sa mort les armes à la main l’année 1880..
Maintien de l’argent de la LODEADOM : Les entreprises dépendent de l’assistance de la France dans les anciennes colonies comme La Réunion
In kozman pou la rout
L’agenda 2030 à La Réunion : le bilan interdit (4/5)
Visite officielle de Michaël Randrianirina en Égypte
Maintien de l’argent de la LODEADOM : Les entreprises dépendent de l’assistance de la France dans les anciennes colonies comme La Réunion (…)
L’échec d’un système
Archéologie : Un campement d’invaincus découvert
Washington grand bénéficiaire d’une éventuelle dissolution de l’Union européenne
Na pwin lontan mi oi dann télé, in lanjin apré boulvèrs in kour lékol. Mi domann amwin pou kossa io fé sa, sirtou kan ou la bétone la kour-la na (…)
315 emplois supplémentaires en trois mois
Versement du reliquat de l’aide à la production de canne à sucre pour la campagne 2025-2026
Mézami so matin l’ariv amwin d’ékoute in radio épi toudinkou in sobatkoz la pété. Rant sak i di mourong sé in bon nouritir é sak i di sa lé nil (…)
Bann modékri andann forom
4 févrié 2022, 11:57
« Par la kantité d’moune mi antan koze kréol dann shomin. Par la mizik kréol, mi antande partou. Par lo bande zé d’mo mi antande dovan shak boutik é ké mi panss sé lo prinssipal landroi noute kréol rényoné, i viv, i évolyé, i ronouvèl. Par son vitalité dann la popilassion rényonèze.
Sa in lang malade ?. Pa ditou, an kontrère, in lang bien vivan. »
Granmersi Zistin. Mwin la lire, rolire, rorolire out l’akt de foi, a sak fwa la plim pou drès desi mon bra.
Mwin lé sir lèr k’out kamarad défétis va lir out l’akt de foi, va touch ali sitantelman ke li va réfléchi desi son lidantité, son lang réyonèz : un vrai manzé pou lo kèr la bers ali dopi lo promié tan lu lété dan lo vant son monmon.