Nana désèrtin kozman mi èm pa pou vréman dann nout lang kréol. La pa pou la manyèr i di sa dann nout lang ! An kontrèr na dé foi l’imour i mank pa ! Mé pars, sé in n’afèr k’i shok lo prinsip l’égalité. Si bann ga nana lo droi, par z’ot famiy, viv in pé an libèrté, i diré-an kontrèr !-bann fiy na poin lo droi ditou ! Sé la ké lé shoz i klosh pa - mi vé dir zot i marsh pa. Poukoué ? Koman i pé sfèr dann nout vintéinièm syèk, pou in bonpé dmoun, na poin l’égalité rant fiy épi garson, dsi la kèstyonn l’édikasyon. I diré in pé i pans bann fanm i doi z’ète protézé kont zot mèm épi bann ga i doi asime z’ot libèrté sansa lo pé d’libèrté k ‘i rès azot. Mi lèss azot kass z’ot tète la dsi é ni rotrouv pli d’van sipétadyé !