Mézami, mi koné pa si zot lé konm mwin mé m’a dir azot franshman sa sé in kozman ké mi apéréssyé pa tro. Dabor noute toute i konpran bien kossa sa i vé dir é dann kèl sirkonstanss i di sa. Si mi rogarde dann liv Daniel Honoré, somi-lo mo sé listoir d’in moune - papa sansa momon — k’i oi son garsson grandi é dovnir in om donk i prévien amikalman bann voizin pou ké zot i sirvèye zot fiye.

Lé vré ké koméla lé in pé vyé zé d’dir in n’afèr konmsa pars si lo jenn om lé libéré par son bann famiye — mi larg mon kok — la fiye pou sa par i pran son libèrté donk néna in sèrtènn égalité rante bann garsson épi bann fiye.

Alé ! Mi kite azot rofléshi la dsi éni rotrouv pli d’van, sipétadyé.

Justin