Ala in kozman moin la kass mon tèt pou trouv ousa li sort é si lété pa inn-dé dalon moin nora té ankor apré rodé. Ousa sa i sort ? Dabor ni koné dann z’oi nana la vyann épi lo rès é anparmi sirtou la plime. Kosa ni rod ? Ni rod manj la vyann é malérèzman pou lo dévlopman dirab, ni ansèrv pa tout sak i rès…

Astèr lo sans figiré : sa i vé dir mi shoizi sak mi vé dan la vi é mi mète dé koté sak mi vé pa. Pou in pé sé sak lé gayar, la vyann, é l’annuiman, la plime, mi pran pa.

Zot i konpran amoin mi éspèr… mèm si mi koz an parabol ? Élas ménélas, ni pans nou va ansort anou konmsa épi konm i di, san fé t’ékspré, ni artrouv anou mayé dann tourbiyon la vi. Ni artrouv domin !