Kossa sa i vé dir ? Sa i vé dir si wi maryé avèk in madam néna zanfan déza, wi done sak i fo pou out zanfan, mé pa pou zanfan la pa ou. Kan wi koné la valèr la kiltir popilèr épi son poi dsi la manyèr viv an sossyété i fo wi méfyé bann kozman konmsa. Parèy galman pou bann kozman rassis.

Sé pou sa sanm pou mwin kan wi koz-parl pi kan wi shant !- i fo wi tienbo out lang. Kan wi ékri i fo wi tienbo out plime pars si wi lèss out lang alé, konm out plime, wi pran dé risk.

Alé ! Mi kite azot rofléshir la dsi é ni retrouv pli dvan sipétadyé.

Justin