Kozman la in tonm tro bien zordi. Bin oui, si ou i plant bann plantaz zénétikman modifyé, pétète ou i an tir in bon parti, mé kan son mové koté i ariv. Sé l’èr k’sé l’èr, sé l’èr k’ sé pi l’èr…

An zénéral i di sa dann lo ka in mové maryaz : kan inn é l’ot lé mal asorti, i ariv k’inn i rode détrui l’ot é tansyon zéklèr. Sa lé vré dann travay : si ou i pran in salaryé la pa bon, ou sinonsa si ou i rant shé in mové patron.

Oi zot mèm lo rézilta ! Dann la politik, ou i mète anlèr in moun i fo pa, alor anplègn pa ou apré. Sa i di azot kékshoz ? Pétète pa, mé fé travay in kou zot koko, fé bouy zot matyèr griz é lé posib ké rant-rant ni pé z’ète dakor rantre nou. Fé roulé férèr !