Mézami souvan dé foi avan d’azir i vo myé réfléshi. Sé konmsa k’in zour in madam la antann dir son mari l’avé bate lo zyé avèk in domoizèl. Sa lété dann tan l’avé in fontène dann l’androi é toulmoune téi sava rode delo avèk shakinn son fèrblan osinonsa son l’arozoir. Sé konmsa ké zis dovan noute baro lo dë komèr la rankontré é lo madam la sote dossi la démoizèl.

Anfin la sèye soté pars finlman sé lo madam la tonm atèr li toussèl apré avoir éssèye anvoye lo pôin, lo pyé, la tète, é mèm lo fèrblan la tom par dsi. Lo domiozèl la fé : AH ! AAH ! AHAa ! pou amontr èl lété étné. Lomadam pou son par la di sak nou la marke an-ola. Lo konba l’arète par mank konbatan é la korvé d’lo la ropran son kour.

Alé ! Mi kite azot rofléshi la dsi é ni artrouv pli d’van, sipétadyé.

Justin