Dann kozman-lo mo lo gran Daniel Honoré mi sorte lir : « èl la monte an grin » é sa i vé dir rèss vyé fiye.

Si ni rode dann diksyonèr ni oi grin sa i vé dir in pé, in pti pé, mèm lo pépin bann frui épi bann léguime, in grin dsik, in grin d’sèl… Dë moune i antan pa, va dir i manz pa in grinn sèl ansanm. Défoi sa i vé dir in kashé par égzanp in grin l’aspro.

Mi koné in ote kozman é sa i di konmsa : « li la pi l’az pou manz mayi an grin. »… Mi sa pa dir azot kossa sa i vé dir alor domann in moune i koné sar pli préférab.

Alé ! Mi kite azot an romèrssyan pou lo pti grin d’tan nou la pass ansanm. Ni artrouv pli dvan sipétadyé.

Justin