Médame zé méssyé, la sossyété koz èk mwin sé koz èk in kouyon mé sé o pyé d’lo mir k’i oi lo masson.

Mézami kossa i lé in plass bordaz ?Pou koué dopi étan pti é néna lontan, mi antande sa ? Si mi kroi défin Honoré Daniel fitintan déssèrtin téi travaye dann milyé karokann-la té dir-d’ote téi travay dsu lo bor é lété mwin dir .Donk si ni baz la dsu :rode in plass bordaz sé rode in plass travaye pa tro dir, pa tro difissil défoi mèm rode in piston pou gingn in plass bordaz.

Alor, mi koné pa kossa zot i anpanss de sa :zot i profèr in travaye dir, sansa in travaye wi pé fé avèk la min mol .Mèm si di : min mol garde manzé vide min dir garde manzé plin mé o fète mi koné pa si lé bien vré mé sé a zot de voir.

Alé ! mi kite azot rofléshi la dsu é ni artrouv pli d’van. sipétadyé.