Mézami, talèr-la, mwin té apré lir-lir in pé « semi-lo mo » Daniel Honoré la fé parète liv-la néna kék zané é toudinkou kozman-la la pass dovan mon zyé. Mwin l’arète sèk pars l’avé dann kozman-la késhoz mwin téi konpran pa, d’in sèl kou d’èye.. Bitanblan* ! Mwin té kaziman konm in poul dovan in kouto.

Aprésa mwin la vi Daniel téi parl égal-égal, épi li té i parl moring galman é mwin la rapèl in n’afèr : dann in konba moring téi tash moiyin pa fé rante dann ron, an mèm tan, dë konbatan la pa a popré égal fors. Antouléka son l’étik téi vé sa ! Konm léspor-la té assé danzéré, téi falé pran prékossion, é d’apré sak i di, la sossyété d’ moring té la pou porte atanssyon.

Alé ! Mi kite azot rofléshi la-dsi é ni rotrouv pli d’van sipétadyé.

NB : bute-an-blan, bite-an-blan, bikanblan, bikanbian, sa i vé dir toudinkou ? Mi panss, é zot ?

Justin