Zot i koné dann nout lang kréol néna lo mo in pé pou toute zafèr, mé i mank pa bann mo épi bann lésprèssyon pou dispite èk de moune. Kozman-la si zot i vé trouv ali la pa difisil vi k’néna in pé dann toute diksyonèr la lang kréol.

Sé konmsa k’in bon mo i dovien in ménass. Par égzanp si mi di : « Mi sava abiye moune-la », sa i vé pa dir mi sava mète dsi li in linz bon kalité i sorte dann magazin la mode. Sa i vé dir plito mi sava mète son momon o solèye, son poi o fé, osinonsa mi sa jir sa, mi sava amontr ali kèl koté brinjèl i sharj.

Rozman toute demoune i di sa, mé i fé pa pars nout péi n’ar pa été konm i di lo péi lantant kordyal, mé plito in péi d’dispite san arété.

Alé ! Mi konsèye azot bien rofléshi la dsu é ni artrouv pli d’van… sipétadyé !

Justin