Astèr pou kossa i parl karyol ? Pars lontan l’avé in bonpé kariol bourik sansa milé, kissoi pou amenn de lé, kissoi pou transport marshandiz é dsi in shomin mové la plipar d’tan, avèk bonpé trou, té pa rar lo kariol téi ranvèrss dan la kivète — in pé i di téi vèrs, mé sa néna mèm sanss.

Astèr alon parl i pé dsi « bordé ». Si i di in moune lé mal bordé sa i vé dir li lé pa dann in bone sityassion ; si li lé bien bordé sé lo kontrèr. Si i di « bord aou » sa i vé dir alé aou.

Alé ! Mi kont dsi zot pou roflèshir la dsi é ni retrouv pli dvan sipétadyé.

Justin