Mézami zot i koné koman lo moune i lé. Mèm si wi di azot in ségré, zot i raporte la plipar d’tan kissoi pou fé valoir azot, kissoi pou amontr konm zot lé inportan. Mi koné in provèrb i di konmsa : « in sogré dë moune i koné la pi in sogré. A partir d’troi dizon lé porté dsi la voi piblik ».

Astèr néna lo provèrb i di : « li ashté inn, li ar rovann dë ». Sa sé an parlan d’in moune i yèm grossi, i yèm égzazéré… Zistoir lontan i di mèm si demoune i raporte pa, lo van i pran dsi li pou fé lo travaye. Sé dir i fo ni méfyé d’noute kamarade, méfyé d’nou é final de konte méfyé in pé d’toute.

Alé ! Mi kite azot rofléshi la dsi é ni rotrouv pli d’van, sipétadyé.

Justin