Sa sé in fason pou réponn kan in moun néna doutans sak ou i di. Pars sanm pou li ou l’apré grosi l’afèr ? Avèk in pyé ou i fé in karo. Sanm pou li ou l’apré égzazéré... Poitan kréol la Rényon la pa marséyé : marséyé, de moun i di, toultan l’apré goumant la doz. Rényoné non ? Défoi oui, dé foi non ! Désèrtin oui, désèrtin non ! Vann konm ou l’ashté sé rodi l’afèr konm demoun la di aou. Poitan ladi-lafé, sa sé in éspor nasyonal rényoné sa non ? Mé lé vré, fé ladi-lafé i vé pa dir ou i goumant la doz i vé pa dir ou i égzazèr. Mèm si ou i pé alime do fé san k’ou i atann. Azot de oir ! Pou mon par, mi lèss azot rofléshi la dsi é ni artrouv pli d’van sipétadyé.