Oté

« Min tande, vante vide ! »

In kozman pou la route

Justin / 22 zwin 2021

JPEG - 43.6 ko

Médame zé Méssyé, la sosyété, koze èk mwin sé koze èk in kouyon, mé sé o pyé d’lo mir k’i oi lo masson.

Mézami, mi panss zot i koné kozman-la ! Antouléka si zot i koné pa, lé pa initil mark sa dann zot karné. Pou kossa ? Pars sa i poze in problème sosyété. Fitintan sak té i gingn zote vi lété bande propriyétèr épi bande travayèr é la tradission téi vé ké banna l’avé la min dir, alé oir bande paréssé la min té liss. Alor si wi sava domande inn fiy an maryaz é ké lo bo-père a prétand i romarke out min té tande ébin konte pa dsu : rofizé dirèk !

Astèr zordi, sa i dépande : lordinatère i donn pa diryon ! Zoué dann larzan non pli ! Koze la boush rouvère i fatigue é i dirssi pa la min ! Toutfasson shakinn i shoizi son shomin antouléka i sèye fé sa.

Alé ! Mi kite azot rofléshi la dsi é ni rotrouv pli d’van. Sipétadyé.