(page 16)

Na in nafèr mi èm bien kan moin na lo tan, sé alé dann kabar pou aprési in pé la mizik. Sirtou kan la sominn té long, kan travay té dir, la mizik i rann amoin méyèr imèr. Poutan na poin ryink la mizik mi aprési, na osi téat épi bann mizé.

Si fo pa pous Kréol pou alé dann sal kabar, li oz pa tro ankor rant dann in sal téat ou sinonsa dann in mizé. Akoz pa ? La kiltir lé bon osi pou travayèr. Na in mizé mi èm bien sé sat Stella. Daborinn akoz ousa li lé plasé. Ousa lontan nou té travay, astèr nou giny alé vavangé dann nout kiltir.

Zordi, na in léspozision Stella i mèt anlèr bann zinstriman tradisionèl dann loséan indyin. Ala in gayar lafèr pou ral bann kabarèr dann mizé. Moin m’alé fèr mon tour lé sir. Akoz zinstriman i tonm kom in miroir ousa ni giny vèy nout lidantité.
La manièr la mizik i voyaz i kroiz la manièr domoun té ralé par isi. Mi koné kosa i lé in kayanm, mé mi koné pa ousa li sorte, pokosa domoun té ansèrv ali promié débi. Parèy pou tout bann zinstriman... Anon dann mizé akout sak zinstriman néna pou di anou, si nou minm.

Zistin