Mésyé, Médam, La Sosyété, koz èk moin sé koz èk in kouyon - mé sé o pyé d’lo mir k’i oi lo mason. Mi koné kozman-la mé moin té fine pèrd ali d’vi poitan ala in kozman lé inportan dsi l’poinn vizé la vi dann in sosyété. Pa pars li parl tomate, é pi pars li parl akomod la sos : fina de kont sa lé sogondèr mé ala sak lé inportan. Ou i ariv an parmi dmoun ou i aprésyé, néna d’moun ou i aprésyé pa alor koman ou i fé ? La répons lé sinp : ou i fé ko nmsi. Ou i fé konm tomat ou i akord avèk zognon, ou lé dos avèk piman, ou lé bon kri, ou lé bon kui. Masalé i sava avèk ou, safran galman. Lé bien kan ou lé konmsa. Alé ! mi kite azot rofléshi la dsi é ni artrouv pli d’van. Sipétadyé !