Mésyé zé Médam, la sosyété, koz èk moin sé koz èk in kouyon, mé sé o pyé d’lo mir k’i oi lo bon mason. Mézami zot i koné sa in kozman ou i trouv in pé dann tout lang épi dan tout péi. Kosa sa i vé dir o fète ? Sinploman in n’afèr sir lé pli préférab in n’afèr ou i aspèr gagné. Mi koné d’moun i shoizi toultan sak lé sir pars inpromèss pou domin lé pa asiré ditou dann léspri désèrtin moun. D’apré zot kisa i réisi myé, sak lé toutsuit ou toutsuit sansa sak i profèr atann in pé an prénan pasyans ? I paré, rant lé dé, sé lo dézyèm kalité k’i réisi lo myé dan la vi. Parèye : ou i préfèr travaye avan zoué, sansa zoué avan travaye ? Mi pans i vo myé fé travaye avan pars afors zoué, talèr ou nora pi kouraz pou travaye é out travaye sar zamé fé. Alé ! Mi kite azot rofléshi la dsi é ni artrouv pli d’van. Sipétadyé.