An parlann fime, néna bonpé d’moune i tourn zot fime san ké zot moityé i koné oziss kossa zot i fé. Alor kan i domann azot oussa zot i sort, zot i roul in blag é anparmi kan ou lé jenn, néna lésplikassion : « Mi sorte sinéma ».

Solman kan wi di sa i fo ou lé paré pou dir lo tite in fime i pass pou vréman. Si wi koné pa, sansa si wi di in fime i égziss pa, sé la prèv ou la ramass mantèr é si ou la ramass mantèr lo mèm késtyon i rovien san arété : « oussa wi sort ? Oussa wi sort ? é patati é patata, Gasparin-Brinet »

Mon défin parin l’avé in sèl lésplikassion donk in sèl réponss. Sa téi done bann kozé konmsa : oussa wi sort ? Mi sort sinéma ! Kèl fime ou la vi ? mon fime i apèl rolash. Ziskatan la konvèrssassion i arète.

Alé ! Mi kite azot rofléshi la dsi é ni retrouv pli dvan, sipétadyé.

Justin