Sé-pa si zot i koné ousa kozman-la i sort ? Poitan pou èt koni li lé koni ! Lo moun la ékri sa, dann tan lontan, lé ankor plis koni : sé in moun i apèl Fourcade é konm zot i doi konète, li la fé bann séga avèk Fossy. Figir azot sé li k’la ékri « ti flèr émé », in shanté in bonpé rant nou i koné. Sak lé intérésan la-dan sé lo zé d’mo avèk « kèr » : kèr d’solèy sé solèy poikan, kèr d’moun sé plito lo santiman d’moun. Moin mi pans i moun lé konm moin la di, li lé vayan vèy pa koman, li lé bon pou pète dé flam. Kosa zot i anpans zot ? Arien ditou ? Fé travay z’ot koko ! Fé bouy z’ot matyèr griz ! Zot va oir ké, rant-rant, ni pé z’ète tazantan dakor rantre nou.