Mézami mi sorte rode lo mo « maf » dann mon téléfone : si sé in frui, in rassine ni pé dir sa i vé dir « mou », « sponzyé », « gliyan » k’i kui pa bien toute fasson ; si sé in moune dizon sa i vé dir « mou », « patrak » san l’énèrzi.

D’apré sak mi kroi mo-la kissoi dann kréol morissien sansa dann kréol rényoné i sorte dann vokabilèr malgash. Zot i koné nou néna bonpé zansète malgash é in bon pé sak ni koné ni doi sa noute zansète malgash. Mé zordi alé konprann pou koué pou bann malgash maf i vé dir « dir » alé oir dann disétyém syèk téi vé dir mou.

Astèr si mi di « mon kor lé maf zordi »., sa i vé dir mwin na poin tro l’énèrzi. konm in kamarade téi di : « mon pil lé plate » — konfonn pa avèk pile plate pars sa la pa mèm zafèr. Antouléka wala sak mwin té i vé dir azot zordi é mi domann azot rofléshi la dsi.

Alé ! Ni rotrouv pli d’van sipétadyé.

Justin