Mézami zot i koné bien linz afors savoné, rinssé, pèrssé, mète a sésé li pèrde son koulèr. I pé dir ossi son koulèr i pass : lo rouz i vien roz, lo blé i vien gri, lo blan i vien krèm-krèm, é toute koulèr i mélanz-mélanz-mélanzaz. Si tèlman lo momon i yèm pi oir linz èl l’ashté nèv pou son zanfan, é lo zanfan li mèm li lé maléré d’ète abiyé konmsa.

Ziskatan lo momon, sansa la marinn, sansa ankor lo granmèr i désside lo marmaye i mète ar pi linz-la, pars na pi d’koulèr-lé délavé kossa zot i vé ! É i rode in manyèr pou ronouvèl lo garde-rob é aprésa néna in tan pou ète kontan avèk son linz... Ziskatan k’i détinn ankor in kou, k’i délav ankor in kou é l’èr pou rokomanssé l’arivé.

Alé ! Mi kite azot rofléshir la dsi é ni rotrouv pli d’van, sipétadyé.

Justin