Mézami néna dann kréol konm dann toute lang bann in vokabilèr k’i vé dir plizyèr shoz an mèm tan.

Si ni pran lo kozman « tir portré d’moune » sa i vé dir prann in moune an foto. Donk si mwin lé tirèr d’portré mi pé z’ète fotograf. Mé mi pé fèr pli movèz shoz ké sa : mi pé roul in moune dann la farine é la i pé dir mwin la tir son portré.

Dann liv Daniel Honoré — somi lo mo — i pé dir d’in moune sa la pa in om, sa in portré donk pa in om pou vréman.

Alé ! Mi kite azot rofléshir la dsi é ni rotrouv pli dvan, sipétadyé.

Justin