Médam zé méssyé, la sossyété, koz èk mwin sé koz èk in kouyon, mé sé o pyé d’lomir k’i oi lo masson.

Mézami, mi koné pa zot, mé mwin lé konmsa : néna dé zour mi kontrol mon nèr, mi rèss kalm inkroiyab, mé néna dé zour mon nèr i mate : la kolèr, avèk lénèrvman, i monte dsi mwin é lé konmsi mi kassré toute dsi mon passaz. Mi kass pa touzour, mé mwin néna in for l’anvi.

Si mi di mon nèr i rode sorte dann gon - konm in porte i sorte dann son gon é badabanm si tonb atèr. Mon nèr lé parèye é mwin néna tré pèr li rotrouv pi son plass.

Alé ! Mi kit azot rofléshir la dsi é ni rotrouv pli d’van, sipétadyé.

Justin