« Mon soulyé i koné si na trou dann mon ba »

Méssyé, Médam, la sosyété, koz èk mwin sé koz èk in kouyon, mé sé o pyé d’lo mir k’i oi lo masson. Mézami néna dé shoz wi pé apèrsoir do loin, mé néna déssèrtènn si ou lé pa bin pré ou i pé pa kon ète. Sé konm sa ké o kozman i mète soulyé an promyèr lign pou konète si néna trou dann ba. An distanss sé in n’afèr wi oi pa. Néna in n’ot kozman i di : « Si wi dor pa avèk Zan wi pé pa konète si li ronf. ». Mé dizon sète-la lé pa tro vré pars néna in pé i ronf avèk o parlèr é i antann azot de loin. Mi yèmré rakont azot in zistoir d’ba, mé alon lèss pou domin. Alé ! Mi kite azotrofléshi in pé é ni artrouv pli d’van. Sipétadyé.