Mézami, étan pti, nou la zoué anvoye galé an-o dann syèl an éspèran k’in zour noute galé va monté, monté, monté mèm é pi artonb a tèr. Paryaz idio, pars kan nou la grandi nou la konète la fors imène i gingn ar pa zamé shape avèk l’atrakssyon térèstr mé dann tan-la nou téi kroi in n’afèr konmsa nora été possib.

Kossa sa i vé dir ? Dabor sa i vé dir sak ni sorte dir épi sa i vé dir in n’ote afèr, ké ni pé monté si ni vé, é si ni fé lo l’éfor k’i fo, mé momandoné nou va ardsann é nora d’ote va dépass anou. Donk si ni vé sé in l’invitassion pou ète réalist, pou ète modèst. Pars konm i di, ni vé, ni vé pa mé noute l’orguèye va kass par boute momandoné.

Alé ! Mi invite azot pou rofléshi la dsi é ni rotrouv pli d’van, sipétadyé.

Justin