Mézami néna lontan mi koné provèrb-la, mé o ziss mwin lé touzour a domandé kossa sa i vé dir pou vréman. Pétète zot i koné mé mwin sa i éshape amwin in pé… souvan dé foi mi poze amwin késtyon-la, mi rode mèm dann liv provèrb kossa sa i vé dir. Mi trouv pa in sèl répons i kontante amwin.

Mi pouré dir la koulèr lo shien i konte pou la po patate, sé lo mordir k’i konte. Antouléka i paré la pa bon rèv in shien i morde in moune, sa i vé dir in moune prosh de ou va trayi aou… Mwin pèrsonèlman, mi konpran pa lintèrprétassion bande rèv é sa i intérèss pa mwin pliss k’i anfo..

Pétète zot ?

Alé ! mi kite azot rofléshi dsi bande késtyon konmsa é ni rotrouv pli d’van. Sipétadyé.

Justin