Tout demoun, isi La Rénion, i rèv viv dann bann kaz atèr. Solman sak lé domaj koméla, na pi la plas pou toulmoun viv dann vila. An touléka, lo tiktak lojman lé pa roganizé pou trap in bit konmsa. Oplis i sava, oplis i fo an avoir lo voul an kantité pou rèss dann in kaz atèr. Pli pir, sak néna la tèr i pé konstrui dsi, i profèr vann z’ot térin pars i pé gingn in bon moné èk sa… Désèrtin i di, si i kontinyé konmsa nora pi sak i apèl lo miksité sosyal, donk nora in sort l’apartèd é lo l’apartèd, sanm pou moin, i tourn lo do avèk l’égalité. Sé kant mèm in n’afèr dann in péi konm la note lé san pour san pou lo l’égalité sosyal. Alé ! Mi lèss azot rofléshi la dsi é ni artrouv pli d‘van sipétadyé.