Médam zé Mésyé, la sosyété, koz èk moin sé koz avèk in kouyon, mé sé o pyé d’lo mir k’i oi lo vré mason. Shèz a portèr ? Sa sé in n’afèr lé révoli zordi, mé la égzis shé nou in bon koup de tan. Mon vyé famiy la rakont amoin bann blan pou alé shanjman d’èr dann sirk Silaos té i fé port azot inn-dé tronson par bann portèr lo sirk é lété pa fasil pou bann portèr,. Sak lété porté té i lèss ali balansé ziska pa konète kèl distans li la fé dann shèz – a-portèr. Sa lé touzour vré sa, sak i fors pa i trouv pa shomin lé long, sak i fors i koné lo zéfor li la fé. Tan-la zordi lé révoli, oui, mé sa i anpèsh pa k’in kalité d’moun i fors, i transpir, i fatig zot kor é i gingn pa bokou. Alé oir d’ot san forsé i gingn parfoi in b on moné. Alé ! Mi kite azot rofléshi la dsi é ni artrouv pli d’van. Sipétadyé.