Médam, mésyé, la sosyété, koz èk moin sé koz èk in kouyon-sé o pyé d’lo mir k’i oi lo mason. Zot i koné in n’afèr zot, ékout demoun La Rényon parl dsi la koulèr, mi pé asir azot zot i pèrd pa zot tan. Isi demoun lé pa rasis solman li fé l diférans rant sak néna la koulèr é sak la poin : an avoir la koulèr sé kan ou lé pa tro fonsé. Si i di in linz na pi d’koulèr, sa i vé pa dir la koulèr la fine bien pasé, sansa li lé tashé vèye pa koman. In zour moin la antann in madam apré di avèk son fiy : mi oi pa kosa garson-la néna ? Dé grinn koulèr é pa plis mé out kèr lé amaré avèk li ! Alé ! Mi kite azot rofléshi la dsi é ni artrouv pli d’van. Sipétadyé !