Astèr kan i di in moune i manz patate avèk la po, sa i vé dir sé in in inbéssil, kaziman in zéro la gosh d’in shif. Mé antansion, si in moune i pran pa li pou la po patate, mi konpran ali pars lé myé d’aoir in bone idé dsi ou mèm .Mé fèr tro lo fyèr épi lo prétanssyé, sa sè in kékshoz mi apréssyé pa …mé sa i rogarde ke mwin pars shakinn néna son lidé dsi lé zot.

Astèr mi yèmré anparl in pé lo pom-tèr pars lé pa kékshoz sinp :In pomtèr néna lo pti po transparan kan la fine kui.( le périderme) aprésa néna lo kortex ziss kék milimète dsou lo pti po mé bien itil . Aprésa néna ankor lo pli grann parti avèk in kantité l’amidon,épi la moèlle, arzout èk sa lo bann zèrm.

Mé ni arète la é nou va lèss proféssèr syanss natirèl pou anparl sa bann marmaye é sirtou pou bien amontr azot pomtèr épi patate lé pa bien parèye é ni kite azot rofléshir la dsi .Aprésa ni rovoi, pli dvan, sipétadyé.

Justin