In kozman pou la rout
21 out, sanm
Mézami néna inn-dé zour mwin la parl azot in moune la posh lé koude.Sa i vé dir po li tirin larzan i fo lèv bonèr dor tar pars lo moune lé pirate é kont pa dsi li pou dépanss son larzan tor-an travèr. In kalité,sansa in défo ? i pé ète l’inn konm l’ote.
Mé néna in ote kalité é sète-la galman i pé z’ète in défo konm in kalité. Pou linstan mi oi arienk lo défo bann moune i gaspiye zot larzan. Dann la lang kréol rényoné i di lo moune néna trou dan la posh si tan tèlman li gingn pa ramass in katsou- fèr in lékonomi ?- é vitman vitman li lé dann rouj konm i di .
Zot i koné, bien jèr son larzan, pa toumoune néna in don pou sa é si ou a poin in moune pou ède aou bien dépanss out larzan, bien fé, vitfé, ou artrouv aou dsi la paye. I di ossi out po d’fèss dan la min san parl grossyèrman.
Alé ! mi kite azot rofléshir la dsi é ni artrouv pli dvan, sipétadyé.
Justin
L’université de La Réunion inaccessible aux Comoriens, Malgaches et Mauriciens selon la volonté de Paris
Mézami, zot i koné dann nout péi, konm dan d’ote, néna sak i fé antouléka k’i sèye fèr, épi sak i fé pa é zot lé paré pou kritiké, sof a dévoil (…)
In kozman pou la rout
Présentation de CLIMAAX à La Réunion
Vendre le pays ne suffirait pas à rembourser
Presses universitaires de La Réunion
Impact de conflits lointains dans un pays insulaire dépendant de lointaines importations
180 litres d’eau par jour par personne : droit dans le mur
Combattre les causes du chômage de masse
Accélération de la crise du système néocolonial
À La Réunion l’école est obligatoire et doit être gratuite
Lutte des Chagossiens
