Oté

« Mové rèv i fini bien »

In kozman pou la rout

Justin / 22 désanm 2017

JPEG - 43.6 ko

Sa sé in kozman mi yèm. Pou kosa ? Pars souvan dé foi moin la rèv in n’afèr moin l’apré fé la foiré. Kisoi l’égzamin kan moin té i sava lékol kisoi lo pti, kisoi lo gran é lo matin kan moin té i lèv mi pé dir azot moin té i réspir kèr klèr. In not afèr : oplis ou i kalkil i sava ariv aou in mové z’afèr, oplis ou i mète malèr a distans... Sak mi di azot na bonpé d’moun I kroi pa, pars pou zot lo rèv sé in l’anons é li pé z’ète bon, li pé z’ète mové, mé sé in l’anons I fo tienbo kont. Si ou I rèv volèr, landomin fèrm out port, tak out baro. Si ou i rèv dispite, landomin méfyé aou in mové kou d’zyé, in mové parol. Mé i paré lo rèv i doizète interprété, mé intèrprète sak i pé... Alé ! Mi lès azot réfléshi la dsi é ni artrouv pli d’van sipétadyé.