Oté

« Mové zèrb i pouss tousèl » 

In kozman pou la rout

Justin / 17 séptanm 2020

JPEG - 43.6 ko

Mésyé zé Médam, la sosyété, si zot lé kamarad avèk in zardinyé, moin lé sir li la fine dir azot kozman-la. Sa i fé pans amoin in zistoir moin la lir dann liv mon kamarad. Ezop lété zésklav shé in propriyétèr zardin. In zour sonmètr i domann ali : di amoin pou kosa kan mi fé mon plantasyon lé dir pou pousé, mé mové zèrb, san soin san rien li pous. Ezop i fé pou répons : « Plantasyon lé aou, mé mové zèrb zanfan la natir, donk zanfan Bondyé é li anpran soin. Sé aou de fé parèye avèk out plantasyon . Alala lo répons mi pé done aou ». Lo mètr i di Ezop : « Néna lontan mi rode in répons konmsa é zordi sé ou, mon zésklav, k’i done amoin lésplikasyon. ». Konm de koi l’éstati sosyal i fé pa l’intélizans. Alé ! Mi kite azot rofléshi la dsi é ni rotrouv pli d’van. Sipétadyé.