Sa in n’afèr mi antann souvan-défoi mé kosa sa i vé dir ozis ? Sirman sa i vé dir mové zèrb i pous myé ké bon zèrb. Donk la pa bézoin tro fatigé pou fé pous ali é sirtou la pa bézoin tro dépansé. Mé in mové zèrb isi, i pé z’ète in bon zèrb la-ba. In bon zèrb isi i pé z’ète in mové zèrb la-ba. Donk sé plito lo plantèr k’i doi ramas lo roprosh épi son fasonn fèr : la pa lo zèrb lé fotif dan l’afèr. Parèy dan la vi : suivan la fason ou i grandi out marmaye, li pé vni in bon moun sansa non.

Donk la fason ou i fé son l’édikasyon lé plis inportan ké son bon sansa son mové fon. Donk sé in sort manyèr fé in zé d’pongn rant la natir épi la kiltir, rant la bonté épi l’obligasyon. Zot i kroi pa ?