A park’sa wi pé dégouss zariko, poi, poiron, kokiye é sirman in ta zafèr konmsa si ou la pa pèr kass oute zong do min. Zistoman i di galman « dégoss »lo zong do pyé é sa i ariv kan wi bate in kou kongn.. Si wi kontinyé m’a dégoss aou é l’èr-la l’èr pou bataye lé pa loin..

Zot i koné néna dé shoz lé intéréssan é mèm apétissan pou dégoussé konm zak par égzanp kissoi zak sosso osinonsa zak dir. Kissoi galman bann trik konm zate, sapoti, kèr d’bèf.. Toute sak lé bon a manzé é noute bon souvnir i sorte dann fon dann fon noute mazinassion pou romonte a la sirfass.

Alé ! Mi konsèye azot bien rofléshir la dsi é ni rotrouv pli dvan sipétadyé.

Justin