Sé konmsa k’in zour, in travayèr té apré rakont in zistoir : in dalon épi li — mèm té apré fèr in mézon an boi pou in moune. Mé momandoné li la apèrssu konm kékshoz pa normal. Normalman téi pèye a la somenn é toudinkou téi pèye pi a la somenn, téi prolonz ziska k’la pi pèye ditou é son dalon lété kite pou son biskui.

Li koz èk mon papa é sète-la i domann ali : « Dakor oute dalon té kite pou son biskui é ou mèm ? ». Lo boug la toiz mon papa épi la di : « Mwin, mwin la manz o pyé ». L’èr-la mon papa i domann ali : « komansa ou la manz o pyé ? » é lo ga i réponn li la pass son tan a pran zavanss pou pa pèrde lo frui son travaye.

Listoir i di pa si avèk mon papa li téi manz galman o pyé mé pétète oui, pétète non é mi kite azot rofléshir la dsi.

Ni retrouv pli dvan, sipétadyé.

Justin