Si in moune i di li lé pa tro for dsi kékshoz. Sa i pé zète kissoi lo manzé, la boisson, lo zé, lalkol épi d’ote zadikssion…

Astèr mi yèmré savoir si zot i yèm luil tantan — donk si zot lé tanté par luil tantan… étan pti pli d’in foi la famiye la obliz amwin pirjé kissoi avèk luil de rissin, kissoi avèk luil foi d’moru, kissoi ankor avèk luil tantan — mi domann si sa la pa luil de rissin sa ! Ziska zordi mi panss inn é l’ote sé la mèm shoz san z’ète sir pou d’bon.

Astèr tanté par luil tantan, sa sé in n’ote afèr. Sa i vé dir ou lé tanté par kékshoz lé pa tro katolik, ou lé mèm adikt sète afèr la é sa sé pa in bon n’afèr pou vréman.

Alé ! Mi kite azot rofléshir la dsi é ni retrouv pli dvan, sipétadyé.

Justin