Zot i koné néna kalité sityassion lé malomode. Kan ni di nou lé pri dann in sak lo püss zot i konpran bien sa i doi pa ète in bon n’afèrkissoi püss lo shien, kissoii püss véra — in pé i di Beira — konm l’avé fitintan é sa sé in vil Mozaambik. Mézami sa i rante dsou la po, sa i ponn in ta lo zèf é fransh vérité li amenn aou la vi dir pars an pliss si wi vé tir ali i fo wi pran zéguiye. Mové souvnir a tou lé kou.

Mé si ni anparl pa püss, ni son ni, ni pé anparl traka an sossyété kissoi dann travaye, kissoi dann famiye, kissoi dsi lo poinn-vizé la santé.konm i di, kan ou néna traka konmsa, wi rèv out momon jenn fiy.

Alé ! Mi kite azot rofléshi la dsi é ni retrouv pli dvan sipétadyé.

Justin