Dan lo dèrnyé ka, souvan dé foi bann jenn-jan i koné pa oziss avèk kissa zot i vé maryé.I ariv zot i yèm inn, épi i ariv ossi zot i yèm in n’ote. Bann paran dann in ka konmsa i pé dir ou lé pa paré pou maryé. Mazine in kou ou lé rant dë, bin pou kissa wi anvoye out demann ou la ?
Mé ète rant dë kèr la pa solman in n’afèr d’maryaz, ni in n’afèr d’travaye, ni in n’afèr d’zétid, ni in n’afèr manzé. Si ou lé rant dë kèr, lé bien dir pou shoizi. Mi souvien inn foi kan mwin la kol shomin pou alé dann péi déor é mwin la rotrouv amwin dovan in létalaz gato, mi pé dir azot mwin té anbété pou fé mon shoi.
Alor mézami, dizon dan la vi i fo fé son shoi, pars sansa ou lé bien an-nuiyé.L’èr-la mi kite azot rofléshir la dsi é ni retrouv pli dvan, sipétadyé.

Justin