Mézami, kozman zot i lir zordi dann témoignages sa in kozman dopi lontan demoune i di. Kossa li vé dir ? Sinploman, mi ézite pars mwin néna lo shoi rante dë é mi ariv pa désside amwin.

Sa i pé z’ète vré pou mwin, sa i pé z’ète vré pou d’ote, pars la valse ézitassion sa sé in travèr bonpé d’moune néna. L’inpossibilité shoizir sa sé in défo l’imanité é pétète sa lé bon.

Pou kossa sa i pé z’ète bon ? Pars kan wi fé in shoi, i vo myé réfléshir é kan wi réfléshi, lé normal wi ézite… Mwin mi panss konmsa é pétète mwin lé pa toussèl.

Alé ! mi kite azot roflshi la dsu é ni artrouv pli d’van, sipétadyé.

Justin