Mézami souvan dé foi demoune i konsidère larzan sa lé pli valab ké toute zafèr néna dan la vi. Néna mèm demoune i sou plègn souvan dé foi pars zot na pwin in larzan dann posh – konmsi sa lété pou zot konm in éstatu sosyal, in n’afèr ki fé de ou in om d’afèr.

Pou kossa ? Pars larzan lé rare pou in bonpé d’moune é kan li lé rar li pèrmète pa ou gingn lo minimome sak i fo pou rèst vivan. La mizère mé zami sé in réalité.

Mé a bien kalkilé, an dalonaze lé pa si mal ké sa non pli pars sanb pou mwin sa lé ankor pli rare ké larzan. Mé shakinn son idé : pou in pé larzan sé la valère siprème pou d’ote non sirtou si zot la pa koni in vré lamityé. In pé i di : « Santiman i angrèss pa koshon ! », mé si ni poze késtyon lo koshon, pétète son réponss si ni konpran lé riskab étone in pé… Zot la déza koze avèk in koshon, an gratan son vante zot ? Si oui mi koné déza z’ot réponss.

Alé ! Mi kite azot rofléshi la dsi é ni artrouv pli d’van. Sipétadyé.

Justin