In zour in kamarad la di amoin konmsa, kan li ariv dann in biro, li ropèr kisa i lé lo shèf épi li sava poz son problèm dirèktoman avèk lo moun pars li lé sir i sa trouv in bon solisyon pou son problèm. Pou mon par, moin la di ali, mi sèy plito oir dann l’ékip, plito ké lo shèf, sak i vé rant shèf-donk k’i vé ète kalif an plas lo kalif. Aprésa, mi fé konprann ali ké li tousèl lé kapab trouv in solisyon pou mon problèm difisil. Si mi gingn, moin lé sir li va fé son posib. Lé bon koz avèk Bondyé, mé dé foi lé valab galman koz avèk lo sin. Shakinn son stratézi : sak lé inportan sé ranport la miz. Lé pa vré !