Lèv pano. Di non n’i vé pi la prékarité. Di n’i vé travay. Di n’i vé i mèt an plas in lobsèrvatoir lo pri èk salèr. Di n’i vé pi. "Nou lé pa plis, nou lé pa moin" respèk anou la di Loran, mi répèt souvan. Yèr, bann rénioné la mars dési la ri d-Paris, konmsi po dir "n’a batt gouvèrnman-là atèr. N’a fé respèk azot nout volonté".

Soman la lit lé dir. I fé koul lank. I fo tienbo. Alon mèt ansanm po kalbit in gouvèrnman i ékout pa bann ti, bann sak-atèr, bann kaniki. Domin, nana in mouvman dévan la préfèktir. Dawar, banna va fini par antann. N’i lans ar’pa galé, mé n’i vé voir préfé aranz in-pé lo sor bann famiy i atann in CAE po kontinié viv.

I sifi pa fèt in promié mé. I fo pouss pli dévan nout légalité, nout droi travay. Sobat sobat, tilanp tilanp, n’a vienbou palank gouvèrnman-là.

Justin