Kozman-la i rapèl amoin in zistoir moin la antann néna pli lontan ké lontan. Mon granpèr-plito mari maryé mon granmèr - la viv lontan é i ariv ali souvan dé foi suiv lo kor ziska simtyèr. L’égliz li té i sava pa pars, d’apré sak mi kroi li té in pé kont la rolizyon, léktèr in zournal téi apèl « La Calotte ». Sanm pou li désèrtin moun téi louk ali dann lo lantèrman konmsi zot té apré di : gro gramoun la néna pi son plas dsi la tèr, é sète lo dcd lété pa tro mal pou li ! Donk Granpèr lété pa kontan par raport in n’afèr konmsa é in zour inn la pa solman pansé li la déklar lo fon son pansé. L’èrla lo gramoun la larg ali kozman moin la mark an-o la konm pou bien fé konprann ali néna poin pèrsone va rèss pou lo grin rantre nou. Sa i vé dir, finalman, na poin in laz marké pou alé l’ot koté. Alé ! Mi kite azot rofléshi la dsi é ni artrouv pli d’ ’van. Sipétadyé !