In kozman pou la route

« Na poin lion dovan mon baro ! »

13 févrié, sanm Justin

Médam zé méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo vré masson.

Mézami, mi koné pa si sa la fine ariv azot, sansa si sa i ariv azot souvan, pa rann vizite in famiye, sansa in dalon, mèm si li rèst pa loin. Aforstan, la pèrsone i apèrssoi épi i fini par fé la romarke : li pé di néna poin lion dovan son baro, sansa la pa bézoin sote in bra d’mèr pou ariv la kaz.

Kozman konmsa i fé gingn gro tète, mèm i pé fé onte aou, mé sé lo risk kan wi rann pa vizite normalman oute famiye, sansa oute zami. Azot pou rofléshi si lé normal koup lo pon avèk in dalon sansa in famiye dé foi pou arien… é pou mon par mi kite azot rofléshi la dsi.

Alé ! Ni artrouv pli d’van, sipétadyé.

Justin

Padport

Signaler un contenu

Inn modékri, inn ti lavi, inn komantèr ?