Moin na bo fouye dann mon mémoir, mi pène mazine siklone osi dévastatèr sat lé antrinn ravaz bann péi la Caraïbe. Apène Yvan - èk son santène de mor - la tourne le do, voila k’Jeanne i fé pli d’ 600 mor, rienk an Haïti. Le péi le pli pov si la tèr !

Moin la pa koni siklone 32, mé sat 48 la mark amoin. Pou done azot inn ti lidé, la mèr la dékoif’ légliz Champborne ou alé ziska koté ousa la méri i lé zordi. Dopisa, moin na konm dann lidé La Rénion la été inpé épargné. Mèm si nout péi la pran détroi vilin koud’zok rantrotan !!

Pou otan, i fo pa ni kroi nou lé éné dann la kuis’ jupiter. Na poinn d’rézon sat i èspas’ zordi dann la Caraïbe i èspasra pa, domin, dann Loséan Indien. Na d’sanhans’ plito, siklone sora doplizanpli violan partou èk son kortèz la soufrans’. Èske nou lé préparé vréman pou afronte sa !!!

 Justin