Lakey lo sit > Chroniques > Oté
« Na poinn koko d’pin, i trouv pa son kote shokola »
In kozman pou la route
lindi 28 zwin 2021, sanm
Médame, Méssyé, la Sosyété koze èk mwin sé koze èk in kouyon, mé sé o pyé d’lo mir k’I oi lo vré masson.
Mézami, kozman mwin la marke zordi nip é dire sé I kozman bien zantiy. Dizon sé in kozman optimist. Sa i rapèl amwin in n’ote kozman mwin téi antande kan mwin lété marmaye é li té i di konmsa : « Na poin krapo i trouv pa son krapode » mé zot i oi kante mèm sak mwin la shoizi konm kozman lé kante même in pé pli gayar ké sak mi sorte doné. Antouléka lé ossi optimist inn konm l’ote. A savoir si lé vré, sa sé in n’ote afèr.
Alé ! Mi kite azot rofléshi la dsi é ni rotrouv pli d’van. Sipétadyé.
